За првпат во Македонија во Клиничката болница Систина,во одделот за дијагностичка и интервентна радиологија,се направи преглед на Магнетна резонанца (МР)на трудница односно на фетус.

Овој вид на преглед кој се прави во 15-16 тата недела од бременоста овозможува навреме и со голема прецизност да се откријат можните аномалии во развојот на: Централниот нервен систем(мозокот),рбетниот столб, рбетниот мозок како и развојот на останатите органи кај фетусот.Ваквиот преглед веке со години во развиените земји е дел од редовниот скрининг кај бремени жени.Одсега е достапен и кај нас во Клиничката болница Систина.

Снимањето е направено на бремена жена во 34-тата недела од бременоста која носи три плода(тројка).Медицинскиот тим на одделот за дијагностичка и интервентна радиологија,успешно го направија прегледот без било какви последици врз мајката и трите плода.Трудницата беше препратена на одделот за Гинекологија во Клиничката болница Систина каде тимот од доктори ке продолжат да ја следат бременоста.

Клиничката болница Систина по повод Светскиот ден на Срцето 26 септември организира бесплатна акција.Сите граѓани со купоните кој секој вторник излегуваат во дневните весници "Време" и "Коха е ре" ќе можат да направат бесплатен кардиолошки и кардиохируршки преглед со ЕКГ,како и компјутерска коронарографија за       15 000 денари.

Целта на акцијата е навреме да се откријат и превенираат кардиоваскуларните заболувања кај граѓаните кои драстично се зголемени последниве години и заземаат епидемиолошки размери.Секоја година поради ненавремена дијагноза од срцеви заболувања умираат повеќе од 10 илјади граѓани што преставува 60 проценти од вкупната смртност во земјава.

Акцијата ќе се спроведува до 25 септември 2010 година.

Прегледите задолжително однапред треба да се закажат на тел.02 3099 540(оддел за кардиологија) и на 02 3099 750 (оддел за радиологија) ,секој работен ден од 9 до 19 часот.

Прегледите ќе се извршуваат секој работен ден од 15 до 20 часот,и сабота од 10 до 15 часот.