Оториноларингологија

Оделот за оториноларингологија располага со дијагностичко-консултативен кабинет опремен со софистицирана опрема, каде се спроведува дијагностичка обработка на пациентите и лекување за кое не е неопходна хоспитализација, како и хоспитален дел организиран по највисоки стандарди.

Во можност сме на нашите пациенти да им обезбедиме брза и комплента дијагностика на заболувањата на уво, нос и грло како и соодветен хируршки и конзервативен третман.

Минимално инвазивната ендоскопска хирургија на носот и параназалните синуси (FESS), видеоларингоскопијата и микрохирургијата на гласните жици, кои се достапни на нашите пациенти овозможуваат минимален дискомфорт и брз постоперативен опоравок.

Посебен акцент е посветен на дијагностиката и третманот на ОРЛ забулувањата во детската возраст и нивниот конзервативен и хируршки третман. Дијагностичките процедури како флексибилната назофаринголарингоскопија, ултразвучниот преглед на параназалните синуси, видео-отоскопијата, аудиометријата и тимпанометријата, овозмозуваат егзактна дијагноза и соодветен третман за пациентот.

Болницата спроведува и програма за скрининг на слухот кај новороденчиња и деца со цел рана дијагностика и соодветна рехабилитација на новородените со слушни оштетувања.