Лабораторија за микробиологија и паразитологија

Лабораторија за микробиологија и паразитологија е новотворена единица во составот на дијагностичките лаборатории на новата болница.

Нашата цел е да ги прецизираме етиолошките агенси на инфекциите: бактерии, вируси, габички и паразити. Точното познавање на причинителот на заболувањето овозможува препишување на адекватна терапија за лекување на инфекцијата.

Во оваа лабораторија ги изведуваме следните активности:

Бактериологија:

се изведува со стандардно култивирање во соодветни услови за да се овозможат максимални услови потребни за раст на патогените бактерии од примерокот. Идентификацијата на бактериите се изведува со полуавтоматизирани методи, а испитувањето на осетливоста кон антимикробни средства е прилагодено на видот на бактеријата, примерокот на пациентот и неговата возраст. Chlamydia trachomatis се детектира со метод на директна имунофлуоресценција. Докажување на присуство на Mycoplasma и Ureaplasma и испитување на осетливоста кон антимикробни средства. Детекцијата на присуство на антигени на Helicobacter pylori и Clostridium difficille токсин А и Б во фецес е со брз имунохроматографски тест.

Микологија:

култивирање на селективни хромогени подлоги, кои овозможуваат ориентациона идентификација. Прецизната идентификација е со помош на полуавтоматизирани методи во рок од 4х. На барање на докторот кој го упатува примерокот, како и на сите изолати од хемокултури се испитува осетливоста кон: nystatin, voriconazole, fluconazole и amphotericin B.

Паразитологија:

се користи директен микроскопски преглед за присуство на јајценца и цисти на хелминти и тении во фецес, како и специјални боења за одредени паразити. Enterobius vermicularis се детектира со целофански брис. Trichomonas vaginalis се детектира во нативен препарат од вагинален секрет или секрет од уретрален брис.

Вирусологија:

Докажување на присуство на антигени директно во примерок на: Adenovirus, RSV, Influenza A и Б, Herpes simplex virus со типизација на тип 1 и 2 е со метод на директна имунофлуоресценција. Докажување е на присуство на антигени Adenovirus и Rotavirus во фецес е со брз имунохроматографски тест.

Серолоско испитување (докажување на антитела во серум):

Chlamydia trachomatis IgG и IgA антитела со метод на индиректна имунофлуоресценција, кој овозможува исклучување на вкрстени реакции.  Helicobacter pylori IgG антитела со квантитативен ELISA. Echinococcus IgG антитела со хемаглутинација. Brucella брз тест.

Истовремена детекција на  IgG и IgMантитела кон етиолоските агенси на атипицни пневмонии: Legionella pneumophila, Mycoplasma pneumoniae, Coxiella burnetii, Chlamydia pneumoniae, Adenovirus, RSV,  Influenza A,  Influenza B и Parainfluenza  со метод на индиректна имунофлуоресценција.

Листа на испитувања: